Корисниците на Android со уреди кои немаат баш голем простор за податоци, добиваат нова функција која треба да им ослободи дел од просторот кога се при крај од истиот.
Досега достапната функција за архивирање на апликациите, Google сега ја вклучува да функционира автоматски. Апликациите кои корисникот скоро и не ги користи, автоматски ќе бидат архивирани и со тоа ќе се намали просторот кој тие го зафаќаат.
Оваа функција посебно ќе се вклучува кога е потребен простор, а корисникот веќе е доста блиску до неговото ограничување.
Архивирањето на една апликација значи дека од истата ќе биде тргнат дел од кодот, но ќе бидат зачувани корисничките податоци, што значи дека нема да бидат одјавени одредени сметки, односно нема да бидат избришани податоците од игрите.
За да може една апликација да биде архивирана, истата ќе мора да биде направена во одреден формат кој овозможува инсталација на истата во делови. Апликациите кои се архивирани ќе имаат посебна ознака на нивната икона во форма на „облак“.
