Apple Podcasts сега ќе може да се користи и без апликацијата, односно сервисот станува достапен преку веб. Ова е втора апликација изминатиот период од Apple која добива своја веб верзија, по пуштањето на Apple Maps на веб.
Корисниците ќе можат да ја користат Apple Podcasts преку веб исто како и апликацијата, односно ќе можат да ги слушаат своите „подкасти“, да откријат нови и слично.
Apple Podcasts на веб има поддршка за повеќето познати прелистувачи, односно може да се користи преку Safari, Google Chrome, Microsoft Edge, Firefox на било која платформа каде што се достапни овие прелистувачи.
За користење на Apple Podcasts преку веб секако корисниците ќе треба да се најават со Apple сметка, а за тие кои не се корисниците на Apple ова може да е одлична нова апликација за следење на омилените „подкасти“.
До апликацијата на веб може да се пристапи преку podcasts.apple.com.
