Apple во најновата бета верзија од iOS/iPadOS 18 и macOS 15 пушти нова функција кај Safari за која досега можевме нешто да прочитаме неофицијално. Истата би ја нарекол како алтернативен пристап кон блокирањето на реклами кој овозможува тргање и на други делови од страните кои им пречат на корисниците.
Типично за Apple, новата функција е направена доста едноставно и корисно, па корисниците се што треба е да ја вклучат преку прилагодувањата достапни до адресата на секоја страна и да изберат „Hide Distracting items“. Потоа поминуваат низ делови од страната, а функцијата ги означува деловите од страната.
Корисниците можат да притиснат на било кој дел, не само на рекламите, па се што им пречи на страните кои често ги читаат, можат да го исклучат. Исклучувањето значи дека тој дел од страната, односно кодот, ќе бидат „блокирани“, па нема да се пркажуваат секогаш кога страната ќе биде отворена.
Секако, во истиот дел е достапно копче за враќање на сокриените делови, па страната може да биде вратена во нејзината оригинална форма.
Организации кои функционираат со реклами реагираа на оваа новина уште пред истата да биде претставена, па ќе видиме дали и каква реакција ќе имаат сега.
