Достапноста на мали игри и апликации кои се „вградени“ директно во Discord во периодот што следи може да се очекува доста да се зголеми. Од компанијата ја отвораат можноста за развој на овие игри и апликации за сите програмери, а не само за ограничен број од нив како што беше досега.
Discord ја најави новата Embedded App SDK алатка преку која програмерите ќе можат да ги развиваат своите игри и апликации. Истите се „вградуваат“ во Discord едноставно преку „iframe“, што значи дека овие апликации и нема директно да влијаат на големината и перформансите на главната апликација.
Достапноста на новата алатка е најавена за 18 март, по што програмерите ќе можат да почнат со развојот на своите игри и апликации. Резултатот на ова сигурно ќе биде доста голем број на мини игри, а може да се очекуваат и одреден број на корисни мали апликации.
За корисниците кои се често на Discord оваа новина можеби ќе придонесе до зголемување на корисноста на апликацијата, па ќе видиме.
