Почнувајќи од 2025 година корисниците ќе можат да користат „драјвери“ за печатари кои се од Microsoft. Од компанијата веќе нема да ги додаваат овие мали софтверски додатоци од трети страни, односно од производителите на печатарите.
Microsoft веќе нема да ги сертифицира и прифаќа „драјверите“ од компаниите, па печатарите ќе функционираат само преку неколку од Microsoft.
Производителите ќе можат да продолжат да овозможуваат сопствен софтвер, но тоа нема да можат да го прават преку Windows Update. Користењето на оваа функција од Microsoft овозможува побрзо инсталирање на „драјверите“, веднаш по вклучувањето на уредот, наместо симнување од страната на производителот и инсталирање.
Оваа одлука Microsoft ја има донесено во главно поради безбедносни причини, па истакнуваат дека компјутерите би биле побезбедни на овој начин.
