Темните теми се едни од најпопуларните делови од корисничкиот интерфејс, кај апликациите, но и генерално кај оперативните системи. Сите системи веќе имаат можност за вклучување на темна тема, а истото е случај и кај повеќето познати апликации, вклучувајќи ги и тие од Facebook.
Сепак, главната апликација од Facebook, уште нема темна тема, па остана меѓу ретките од најчесто користените апликации кои немаат ваква тема. Дури и новиот дизајн на мрежата на десктоп има можност за темна тема, па остана чудно зошто Facebook нивната главна апликација ја оставија последна.
Според информациите, тоа е случајот најверојатно поради огромниот број на активни корисници во светот кој се брои во милијарди, но без разлика на причината, темната тема за Facebook е скоро спремна.
Како што можеа да забележат повеќе корисници кои потоа излегоа на друштвените мрежи со информација, Facebook апликацијата добива можност за вклучување на темна тема. Ова за почеток се тестира кај ограничен број на корисници во светот, што значи нема сите веднаш да ја добијат новата тема, но секако значи дека целосното пуштање е скоро тука.
За да проверите дали можеби вие сте дел од тестот, темната тема можете да ја најдете со одење на трите линии во Facebook апликацијата, односно менито од апликацијата, па доле во делот Settings & Privacy. Во овој дел треба да е достапно ново копче едноставно наречена „Dark Mode“.
Facebook го има потврдено ова за SocialMediaToday, што значи дека тестот е официјален и може да се очекува наскоро пуштање за сите корисници. Кога ќе биде сепак тоа пуштање, уште не е познато, но веруваме дека ќе се случи за време на летото.
