Geary e доста едноставна апликација наменета за проверување на вашите email сметки од десктоп и е направен како конкуренција на моментално најпознатата Thunderbird апликација од Mozilla. Сепак сеуште не може да се спореди со веќе искусниот и полн со функции Thnuderbird, но е добра алтернатива за корисниците на кои не им се потребни многу функции, туку сакаат само едноставно проверување и одговарање на пораките.
Она што го издвојува Geary од сличните апликации е едноставниот и многу убаво дизајниран изглед и кориснички интерфејс. Направен е со цел истакнување на пораките и ништо друго, а пораките се прикажани во Conversation поглед.
Geary е направен за GNOME десктоп околината во Vala, програмски јазик направен за GNOME програмерите. Работи на Debian, Fedora, Ubuntu, како и одредени други бесплатни оперативни системи. Издаден е од страна на Yorba, програмери кои не успеаа да соберат доволно средства преку групното прибирање на средства. Сеуште е во фаза на развој и доста функции не се воведени.
Во основа преку Geary можете да проверувате email пораки од повеќе сметки, да правите пребарување од секоја посебна сметка, добивање на нотификации за нови пораки, автоматско зачувување во Draft на пораките што ги пишувате… Планот на Yorba е во иднина да воведат подршка за додатоци (plug-ins).
Geary можете да го инсталирате преку Ubuntu Software Centar-от, доколку ја користите најновата верзија на Ubuntu, 13.10 или преку внесување на следните команди во Terminal:
- sudo add-apt-repository ppa:yorba/ppa
- sudo apt-get update
- sudo apt-get install geary
