Познатата апликација Geekbench официјално ја доби својата верзија наменета за тестирање на способностите на уредите во делот на машинско учење и длабоко учење. Поради популарноста на терминот, апликацијата едноставно се нарекува Geekbench AI, па корисниците можат да гледаат на оваа верзија како таква за мерење на способноста на нивните уреди во извршување на задачите од вештачката интелигенција.
Geekbench AI 1.0 се смета како наследник на тест апликацијата Geekbench ML, а им е достапна на сите корисници на повеќето платформи, односно на Windows, macOS и Linux, како и на Android и iOS. Својата верзија можете да ја изберете преку оваа страна.
Од компанијата истакнуваат дека мерењето на перформансите на уредите за било која цел не е едноставна работа, па веруваат дека со тек на време тоа ќе стане полесно и подиректно.
Резултатите од апликацијата се прикажани со три различни мерки, па програмерите и инженерите би требало да ги добијат саканите информации.
Geekbench AI е наменета за сите видови на корисниците, од програмерите и инженерите, па се до обичните корисниците кои сакаат да направат споредба на нивниот уред, а и да ги видат резултатите при одлуката за купување.
