Live Activities е функција која беше воведена минатата година со претставувањето на iOS 16 и iPhone 14 серијата. Оваа функција овозможува одредени информации да се прикажуваат во форма на известување на „заклучениот екран“, како и на Dynamic Island исечокот кај iPhone 14 Pro моделите кој доби посебни анимации и можности.
Во основа, Live Activities е одличен начин да се видат потребните информации без потреба од отворање на апликацијата за работи како спортски резултати во живо, временска прогноза, достава на пратки и слично.
Google веќе најави дека работи на додавање поддршка за оваа функција во нивната Maps апликација на iOS, а сега може да се види дека пуштањето на новината се ближи.
Соработник на MacRumors го открива ова во кодот на Google Maps на iOS, што значи дека работата е при крај.
Се претпоставува дека пуштањето на функцијата ќе биде во наредните месец дена, односно по пуштањето на iPhone 15 серијата кое е закажано за 12 септември.
Причината што iPhone 15 серијата е важна за Live Activities е што функција одлично функционира на Dynamic Island, а оваа година сите модели од iPhone ќе ја имаат оваа функција на исечокот, за разлика од лани кога стана достапна ексклузивно кај Pro моделите.
