Можеби не се работи за некоја голема нова функција, а истата веќе одамна е стандарден дел од апликациите за разговори, но сепак вреди да се истакне.
Instagram во својата мобилна апликација ја додаде можноста корисниците да комуницираат преку испраќање на кратки, до 1 минута, гласовни пораки. Истите се испраќаат со притискање и држење на новата микрофон икона која е достапна на лентата за пораки.
Оваа нова можност е достапна како за пораките со еден пријател, така и за групните пораки.
Иако нема премногу ситуации кога една ваква функција би се нашла корисна, сепак сигурен сум дека корисниците ќе најдат, а добро е да се има можноста.
Еден пример кога оваа функција е корисна, е за време кога не сме во можност да ја користиме тастатурата на мобилниот, како на пример при возење автомобил, иако било какво користење на мобилниот не е дозволено. Сепак, ова е подобро од се почестото куцање додека се вози.
