За време на настан во кој корисниците може да бараат грешки во Windows 11, Microsoft по грешка им ја направи достапна алатката која се користи внатре во компанијата за вклучување и исклучување на одредени функции од системот.
Корисниците, поточно тие понапредните, веќе користат вакви алатки, но StagingTool од Microsoft е официјална и истата е полесна и побезбедна за користење.
Microsoft не ретко овозможува одредени нови функции во тест верзиите од Windows 11, кои им ги вклучува само на мал број од корисниците. Ваквите алатки им овозможуваат на корисниците на кои не им се вклучени новите функции, истите да ги вклучат.
Ова е еден од начините преку кој се дознава за новините кои може да се очекуваат во наредните верзии од Windows, што значи се доста важни за фановите кои ги следата редовно овие информации.
