Google издаде нова верзија од својата продавница за апликации на Android, Play Store. Истата постепено ќе биде ажурирана на уредите, а исто така можете да ја симнете и инсталирате на линкот на крајот доколку не сакате да чекате.
Новата верзија го носи бројот 4.5.10 и не претставува голема надградба, но сепак донесува неколку нови или променети карактеристики. Најкорисна нова карактеристика е можноста да видите дека апликацијата што сакате да ја симнете има работи што се купуваат преку неа, односно In App Purchase, пред да ја симнете истата. Ова е доста корисно затоа што во последно време има доста апликации, а посебно игри, кои што се бесплатни, меѓутоа потоа откривате дека за повеќето можности што ги нуди истата, треба да платите за да бидат отклучени. Информацијата за IAP е поставена на видно место, а истата не ви покажува што е тоа што можете да го купите преку апликацијата, туку само постоењето на таа можност.
Друга новост е можноста да ја избришете вашата оценка за некоја апликацијата, доколку ја имате оценето, како и позицијата и големината на Edit копчето за промена на оценката е поочигледна и поголема. Исто така ѕвездичките за оценка доколку ја немате оценето апликацијата се поголеми и очигледни. Промени има и во начинот на прикажување на сликите на корисниците, па наместо во коцка сега тие се прикажани во круг. Сликите ги гледате на коментарите на корисниците оставени за апликациите, како и вашата слика на оценката за апликациите.
Сите коментари и оценки што ги оставате за апликациите сега се организирани во Activity Feed, односно листа на активности, која е поврзана со вашиот Google+ профил. Истите ќе можете и да ги споделувате со другите.
Новата верзија од Play Store можете да ја симнете на следниот линк, доколку не сакате да чекате официјално да биде пуштена на сите уреди во светот.
