Со повлекување лево на првиот „екран“ кај Android смартфоните, барем тие од Google и Samsung, се отвора посебен дел кој е наменет за прикажување на вести од страна на Discover функцијата од Google.
Samsung има и своја алтернатива наречена Samsung Free, но слободно можеме да кажеме дека не се користи подеднакво како Discover. Одлуката на Samsung за промени кај оваа нивна апликација покажуваат дека заклучокот е точен.
Samsung Free од овој месец ќе биде ребрендиран во Samsung News и уште од името веќе станува многу појасно за што се работи.
Покрај промената на името, овој дел сега добива и промена на поделбата на содржината, па наместо четири ленти како досега, Samsung News ќе има само една. Се комбинираат во една лентите „read“ и „listen“, додека „watch“ и „play“ веќе нема да ги има.
Со ова, Samsung News треба да ја добие едноставноста на Google Discover, па уште ако може да се погоди и со алгоритамот, да прикажува за корисниците важни и интересни новости, може да се очекува зголемување на бројот на корисници.
Промената ќе започне од 16 април, односно со верзијата 6.0.1 која ќе биде ажурирана преку продавницата за апликации од компанијата.
