Microsoft уште во февруари вклучи во својот прелистувач Edge мала и едноставна игра која е замислена да корисниците ја играат кога немаат интернет и не можат поради тоа да „сурфаат“. Играта поради тоа е направена како игра за сурфање на бранови во море, а им беше достапна само на корисниците на тест верзиите од Microsoft Edge.
Сега сите корисници можат да ја играат оваа игра, а за тоа и не мора да немаат интернет. Доколку немаат интернет истата ќе им биде понудена за играње, но до неа може да се дојде и преку внесување на edge://surf во лентата за адреси.
Секако, за да може да се игра оваа игра потребно е да сте на најновата верзија од Edge, а со оглед на тоа што истата автоматски се инсталира, мали се шансите некој да не е.
