Иако Twitter веќе одамна има таблет верзија на iOS, сепак дури сега претставуваат верзија оптимизирана за таблет компјутерите кои работат на Android. Таблет верзијата ќе ја користи големината на екраните и ќе прикажува повеќе информации од досегашната верзија која што е само зголемена мобилна верзија. Сега кога ќе го свртите таблетот во landscape позиција, покрај најновите твитови, од десната страна со кликање на некој твит, ќе го видите проширениот приказ на истиот заедно со слики, видеа и краток приказ на статиите. Покрај тоа на екранот ќе бидат прикажани и разговорите, трендовите, корисниците за следење и слично.
На почеток оваа верзија ќе биде достапна само на Samsung Galaxy Note 10.1-2014, а за останатите Android таблет компјутери до крајот на годината.
Twitter за таблет компјутери ја користи Multi-screen функцијата на Samsung таблетите, па нуди можност за отворање на друга апликација паралелно со Twitter апликацијата. Оваа функција овозможува отворање на 2 апликации во исто време една до друга, секоја во посебна половина од екранот.
