Viber апликацијата која што на повеќето ви е не само позната, туку и редовно ја користите, од денес е достапна и како „модерна“ апликација за Windows 8. Најновите верзии на Viber се направени да работат на поеќе платформи, па апликацијата можете да ја инсталирате и користите на повеќе места, иако имате само еден телефонски број. Доколку користите десктоп компјутер со Windows 8, сега ќе имате можност да користите Viber во двете околини, односно десктоп и Start.
Viber за Windows 8 доаѓа со сите функции достапни на другите платформи, односно преку истата ќе можете да испраќате и примате бесплатни пораки, стикери, слики, видеа и цртежи. Ќе можете да ја споделувате вашата локација, како и да правите HD видео повици преку 3G/4G и Wi-Fi. Viber има и уште неколку функции карактеристични за Windows 8, па исто така ќе можете да:
- Закачите (pin) Viber на Start екранот и да добивате информации на плочката во живо (live tile)
- Да го користите Viber на одреден дел од екранот со Snap View функцијата
- Пребарување на Viber контакти преку Search лентата
- Toast нотификации
- Промена на јазикот, независно од јазикот на оперативниот систем
Viber за Windows 8 можете да го симнете во продавницата за апликации (Store) или преку следниот линк.
