Visit Skopje е апликација која што ви ја претставивме пред неколку месеци. Направена е од македонската компанија Семос за Windows Phone платформата. Оваа апликација е наменета за секој кој што би сакал подобро да го запознае нашиот главен град, а се разбира таа е посебно корисна за странските посетители.
Visit Skopje апликацијата ви овозможува прегледување на места низ градот како што се хотели, ресторани, туристички локации, информации за превоз, болници и слично. Сите овие категории се претставени со основните информации кои што би му биле потребни на еден посетител на градот, како и повеќе слики. Апликацијата исто така има можност за прикажување на местата блиску до вашата локација која ги содржи местата од сите категории. Покрај овие информации, апликацијата вклучува и временска прогноза, нешто што секако е важно за било кој посетител на градот.
До сите локации може да се може да се стигне преку следење на GPS навигацијата, што се разбира е често неопходно за посетителите кои што првпат доаѓаат во градот.
Visti Skopje овозможува корисникот сите места кои што би сакал да ги зачува, да ги стави во делот за Омилени локации, по што многу лесно ќе може повторно да ги најде. За странските посетители апликацијата вклучува и конвертор на валути кој што овозможува претворање во денари од повеќето странски валути.
Апликацијата сега е достапна за повеќе корисници преку новите верзии за Windows 8 и Android платформите. Апликациите се направени во соработка со студенти како дел од дипломска работа или пракса на факултетите.
Visit Skopje можете да ја симнете во соодветните продавници за апликации, односно преку следните линкови на Google Play и Windows Store.
