YouTube започна со тестирање на можноста за прикажување на објавите преку Community Posts функцијата во посебен дел. Ова значи дека корисниците би можеле да видат листа од вакви објави, посебно од листата со видеа.
Тестирањето се прави на мал број на корисниците на мобилната апликација на YouTube на Android и iOS, а како што важи за сите тестови, во оваа фаза не е познато дали ќе им стане достапна на сите корисници.
До листата со објави ќе се доаѓа преку ново копче на некоја од објавите, каде што ќе има повеќе такви објави од различни креатори.
Од ова се гледа дека барем на почеток, Google не планира целосно посебна лента секогаш достапна, нешто што би можело до некаде да се смета и како конкуренција на X.
Корисниците ќе можат да се вратат назад на главниот дел од апликацијата и да продолжат да ги разгледуваат достапните видеа.
