Zedge е апликација од познатиот сервис за симнување на позадини и мелодии zedge.net кој што е можеби најпознатиот и најстариот од овој тип на сервиси. До сега достапна беше апликација за двата најпознати мобилни оперативни системи, Android и iOS, а од минатата недела и за корисниците на Windows Phone. Поради сеуште малиот број на официјални и квалитетни апликации во продавницата на овој оперативен систем, секоја позната нова апликација е одлично прифатена од корисниците. Исто така од наше искуство ова е првата ваква апликација во продавницата која што вреди да се користи.
Zedge за Windows Phone е доста поедноставна од своите други верзии, а дизајнот е соодветно направен во стилот на оперативниот систем, но не е меѓу поубаво дизајнираните апликации кои што може да се најдат во продавницата. Преку апликацијата можете да симнувате позадини, кои што со излегувањето на Windows Phone 8.1 сигурно и повеќе ќе ги користите, како и мелодии. Позадините и мелодиите се прикажани во 3 групи, односно избрани, популарни и најнови, а исто така можно е и нивно разгледување по категории, како и конкретно пребарување. Содржината можете да ја видите или слушнете пред да се одлучите да ја симнете и зачувате на вашиот уред, по што можете да ја поставите како мелодија за ѕвонење преку менито за прилагодување или како позадина на екранот.
Апликацијата е достапна во продавницата за апликации и истата можете да ја симнете преку следниот линк.
