Веб верзијата на Office, наречена Office Web Apps, е скратена верзија од познатиот софтвер која ги вклучува Word, Excel, PowerPoint и OneNote. До нив пристапувате преку веб прелистувач, не е потребно да имате инсталирано Office на вашиот компјутер и достапни се бесплатно. Се разбира сите функции што ги има десктоп верзијата не се достапни, туку само основи кои се доволни да направите одредени основни активности и документи и да менувате веќе зачувани документи. Се да може да се поврзете на Office Web Apps треба да се најавите со вашиот Live ID или доколку имате Office 365 претплата. Ова претставува алтернатива од Microsoft на Google Docs.
Во најновата надградба на Web Apps воведени се нови функции кои го подобруваат работењето и ви овозможуваат да завршите повеќе работи преки нив. Исто така се приближуваат повеќе до Google Docs воведувајќи одредени корисни функции веќе достапни на Docs.
Новина достапна за сите апликации од пакетот е можноста за работа на еден документ и следење на промените во вистинско време. Ова значи дека повеќе луѓе може да работите на ист документ во исто време и промените што ги правите ќе бидат прикажани кај сите веднаш штом ќе бидат направени. За распознавање на направените промени, позицијата на курсорот на корисниците е прикажана цело време и е во различна боја, која што е поврзана со секој корисник посебно. Направените промени може да ги разгледате и преку десктоп верзијата на Office. Ова е функција веќе подолг период достапна на Google Docs и барем во наш случај нешто што навистина недостасуваше во Office пакетот од Microsoft.
Покрај оваа новост, воведени се уште неколку различни за секоја апликација од пакетот.
- Word Web App
Автоматско зачувување на документите – копчето за зачувување на документот е тргнато и зачувувањето се одвива автоматски во вистинско време. Секоја промена што ќе ја направите е автоматски зачувана
Поддршка за Header, Footer, како и број на страните
Стилови на табели
Пронајди и замени
Мануелно додавање на Крај на страната (page breaks)
- Excel Web App
Заштита на листовите (sheet protection) – можност за отворање на excel документи кои имаат заштитени ќелии
Агрегати во статус лентата – можност за прикажување на SUM, AVERAGE и COUNT кога ќе селектирате повеќе ќелии, исто како на десктоп верзијата
Прередување на листовите – менување на позицијата на листовите креирани во еден документ
Drag and drop на ќелиите – пренесување на вредноста од една во друга ќелија
Преименување на документот – можност за менување на името на документот директно од него, без потребата за негово затворање
