Познато е дека не така мал број на малициозни додатоци успеваат да бидат објавени на Chrome Web Store, официјалната продавница за додатоци од Google. Овие додатоци со тек на време се откривани од страна на компанијата и се отстрануваат од продавницата соодветно.
Корисниците доколку не ги следат новостите поврзани со оваа тема, може да не дознаат дека некој од додатоците кои ги користат е тргнат од Chrome Web Store.
Chrome ќе почне да ги известува корисниците кога користат некој ваков додаток, односно додаток кој е тргнат од продавницата, а причината за тргањето не мора секогаш да бидат малициозен код.
Дека некој од инсталираните додатоци веќе не е на Chrome Web Store корисниците ќе добиваат информација во Privacy and Security делот од Settings.
Оваа новина ќе стане официјално дел од Chrome со наредната верзија од прелистувачот, односно со Chrome 117.
Инаку, трагањето на некој додаток од Chrome Web Store не значи дека тој додаток бил малициозен. Програмерот може да го има тргнато сам, истиот може веќе одамна да не е надграден и слично, па без разлика на причината, корисниците подобро е да не продолжат со користење на ваквите додатоци.
