После повеќе години на достапност на прилично „слабата“ Photoshop Express апликација, Adobe оваа недела ја претстави нивната Photoshop апликација за мобилните. Истата веднаш им е достапна на корисниците на iOS, а до крајот на годината се најавува пуштање и на Android верзија.
Тоа што е посебно добро е што апликацијата е целосно бесплатна за сите, односно не е замислена да се користи ексклузивно од корисниците кои плаќаат за десктоп верзијата од Photoshop.
Секако, можноста за измена на слики и достапните функции на десктоп и мобилната апликација не можат да се споредат, но Photoshop за мобилните дефинитивно е одлична и доста напредна апликација која ги нуди дел од функциите на десктоп.
Тоа значи дека корисниците ќе можат да работат со познатите слоеви, достапни се и маски, а тука е и вештачката интелигенција која доста помага при селектирањето на објекти, тргање или исправање на одредени делови, како и генерирање на целосни слики.
Adobe со претставувањето на апликацијата најави и подобрување на веб верзијата од Photoshop заедно со нов пакет наменет за дополнителни функции за мобилната и веб верзијата. Photoshop Mobile & Web претплатата ќе ги чини корисниците 7,99 долари месечно, а ќе имаат одредени понапредни функции за разлика од бесплатната верзија.
