Google во соработка со ASUS ќе се обиде да го пробие својот Chrome оперативен систем во десктоп сегментот преку новиот ASUS Chromebox мини компјутер.
ASUS Chromebox доаѓа со компактни димензии од 4.88 x 4.88 x 1.65 инчи и можност да се прикачи зад вашиот VESA компатибилен телевизор/монитор. Во својата форма и спецификации ASUS Chromebox многу наликува на Haswell NUC линијата на Intel.
Основната верзија на ASUS Chromebox ќе се продава по цена од само 179 долари и ќе содржи Intel Celeron 2955U процесор, 2GB DDR3 меморија, 16GB SSD и 100GB простор во Google Drive сервисот. Останатите спецификации вклучуваат LAN порта, Wi-Fi и Bluetooth модули, читач на SD картички, четири USB 3.0 порти и по еден HDMI, DisplayPort и Audio конектор. ASUS Chromebox ќе користи пасивно ладење што ќе овозможи бесшумна работа.
ASUS најави и два поскапи Chromebox модели, од кои едниот ќе содржи Intel Core i3-4010U, а другиот Intel Core i7-4600U процесор.
Достапноста на ASUS Chromebox е најавена за во март.
