Google Wallet станува достапен во 5 нови земји, меѓу кои и нашата. Ова значи дека корисниците сега ќе можат да ја симнат апликацијата, во неа да додадат платежна картичка и да плаќаат со нивниот телефон на продажните места каде што има поддршка за истото.
За да се користи апликацијата за плаќање, телефонот треба да има NFC, а на повеќето корисници веќе им е познат овој начин на плаќање кој неколку банки го нудеа преку нивните апликации и Google Pay интеграцијата.
На оваа страна од Google може да се види кои банки и за кои нивни картички имаат поддршка за Google Wallet и во нашата земја стои само НЛБ Банка со двете достапни картички, односно Mastercard Credit или Debit, како и Visa Credit или Debit.
Со достапноста на Google Wallet очекуваме дека и останатите банки ќе се заинтересираат да ја додадат својата поддршка.
