Фановите на играчки конзоли, а посебно тие на PlayStation, конечно го добија официјалниот изглед и додатоци за најновата PlayStation 5 конзола која треба да почне да се продава до крајот на годината.
Изгледот на PlayStation 5 е нестандарден и може слободно да се каже футиристички. Црната внатрешност е „обиколена“ со интересна бела површина која има неправилна форма.
Конзолата може да се постави во вертикална и во хоризонтална позиција, зависно од желбата на корисникот, а од Sony имаат вклучено држач за двете позиции.
Sony PlayStation 5 ќе дојде во две верзии, една со Blu-ray читач, а другата без читач, односно целосно дигитално издание. Верзијата без Blu-ray читач е нешто потенка, очекувано поради немањето на цела додатна компонента внатре, но не е познато дали оваа верзија ќе биде и нешто поевтина.
Конзолите се трудат да ги привлечат корисниците при изборот која да ја купат со листа на ексклузивни игри, достапни само на таа конзола, па Sony се и познати по својот добар избор. PlayStation 5 нема секако да биде исклучок од ова правило, а најавена беше почетна листа од 9 ексклузивни игри која можете да ја погледнете тука.
Карактеристиките, односно хардверот на Sony PlayStation 5 веќе беше презентиран, па корисниците може да очекуваат добра конкуренција на Xbox која исто така ќе почне да се продава до крајот на годината.
AMD Zen 2 процесор, посебно направен AMD RDNA 2 графички процесор и SSD диск со капацитет од скоро 900 гигабајти се дел од карактеристиките на Sony PlayStation 2.
Корисниците ќе можат да купат и додатоци за конзолата кои ќе се продаваат посебно, како што се посебен далечински управувач, безжични слушалки, станица за полнење на контролерите, нова камера и слично.
