GeForce GTX 750 и GeForce GTX 750Ti се првите графички картички од средната класа на Nvidia, базирани на Maxwell архитектурата. 50 отсто се побрзи од претходнaта Kepler архитектура, a оваа, нова архитектура нуди подобра ефикасност, со што перформансите по едно јадро се пораснати за дури 135 отсто.
Што се однесува до хардверските спецификации, GeForce 750Ti е базирана на 28-нанометарскиот графички процесор GK107 од Maxwell генерацијата со работен такт од 1020 MHz. Поседува 640 CUDA јадра, мемориска пропустливост од 86,4 GB/s, а мемориската собирница е широка 128 бита. Максималниот TDP (thermal design profile) би требало да изнесува само 60 W.
Компактната големина на новата GTX 750 Ti картичка (14,5 cm) значи дека супер ќе се „вклопи“ и во помалите PC куќишта, без потреба од интерен конектор за напојување, некое напредно и ѕверско напојување и со самото тоа, поголеми трошоци за енергија.
Инаку, корисниците може да избираат помеѓу две верзии на 750Ti моделот, и тоа со 1 GB GDDR5 RAM (140 долари) и 2 GB GDDR5 работна меморија по цена од 150 долари. Наскоро GeForce GTX 750 моделот би требало да биде достапен, а знаеме дека ќе има 512 CUDA јадра и ќе чини околу 120 долари.
Картичките ги поддржуваат сите понови технологии кои доаѓаат од Nvidia, меѓу кои и ShadowPlay апликацијата која го користи вградениот H.264 енкодерот за снимање на вашиот прогрес во игритe и да го пратите снимениот материјал на Twitch, веб-сервисот специјализиран за видео гејминг материјали. Да не ја заборавиме и можноста за стримување на содржината на Nvidia Shield конзолата, а тука е и G-Sync технологијата која ја синхронизира фреквенцијата на освежување на екраните со онаа (природната) фреквенција од графичката картичка која е потребна за фино извршување на работите – пишување, дизајнирање, или пак, играње.
