Учесниците на StartQube, летниот камп за стартапи и претприемачи, имаа уникатна можност за разговор и предавање од страна на Мајк Бачер, уредник во TechCrunch и основач на Europass конференцијата. Мајк е еден од 5-те највлијателни луѓе на европската технолошка и стартап сцена во последните 5 години.
На StartQube како онлајн ментор, Мајк даде совети за тоа како да изградите добар публицитет околу вашиот стартап и како да им пријдете на големите медиумски „ѕверови“ и да ги заинтересирате доволно за да сакаат да пишуваат за вас.
Од сопственото искуство, Мајк вели дека денес е многу напорно да се биде уредник за светски медиум кој пишува за стартапи, бидејќи дневно добива мал милион мејлови од луѓе кои се обидуваат да го натераат да пишува за нив. Од тој аспект, вели дека обидот да се стигне до еден медиум како TechCrunch вклучува “pitching” вештини, исто како тоа да го правите пред инвеститор. Секој учесник на StartQube имаше можност да го праша Мајк некое директно и релевантно прашање, а истовремено и да се претстави, како можност за понатамошен интерес од TechCrunch.
„Добро е да се види иницијатива како StartQube во Македонија. Настаните и конференциите имаат способност да постават нови претприемачи од одредена земја на технолошката индустриска „мапа“, и да обезбедат можност за инвститорите и медиумите да се запознаат и да стапат во интеракција со компаниите на брз, ефикасен начин. Фактот дека настанот е поставен на таква убава локација многу помага! Се повеќе, европските претприемачи го користат летото за да учат и да се едуцираат, како и да се релаксираат. Па така, одлично е да се види StartQube како се вклучува кон пошироката европска технолошка заедница!“, изјави Мајк во врска со иницијативата на StartQube и влијанието што ваквите настани го имаат.
“It’s good to see an initiative like StartQube appear in Macedonia. Events and conferences have the ability to put new entrepreneurs from a particular country on the technology industry “map”, and provide a way for investors and the media to meet and interact with companies in a quick, efficient manner. The fact that it’s set in such a beautiful location helps! Increasingly, European entrepreneurs are using the Summer to learn and educate themselves, as well as to relax. So it’s great to see StartQube join the wider European tech community!“ (изјавата на Мајк Бачер во извона форма на англиски јазик).
Мајк изразува интерес и реално да го посети Охрид и Македонија и да се запознае одблиску со македонските стартапи и стартап сцената кај нас, за која низ Европа многу малку се знае.
