OpenAI најавија нова верзија од нивниот ChatGPT „четбот“, овој пат наменета за наставниците во образовните институции. Конкретно новиот „ChatGPT for Teachers“ им станува достапен на наставниците во основните и средните училишта во САД, а пристапот ќе им биде бесплатен до јуни 2027.
„ChatGPT за Наставници донесува многу корисни алатки од ChatGPT—како неограничени пораки со GPT-5.1 Auto, пребарување, прикачување датотеки, конектори и генерирање слики—во работен простор каде наставниците можат безбедно да работат со материјали од наставата и ученички податоци, да соработуваат со колеги и да учат од други едукатори.“ – истакнуваат од OpenAI.
Очекувано, разговорите во оваа верзија од ChatGPT нема да се користат за тренирање на јазичниот модел, нешто што треба да овозможи поголемо ниво на приватност и безбедност.
Од компанијата истакнуваат дека работната околина е развиена да ги заштити податоците од учениците, а ги задоволува и барањата од американските закони за образованието.
