Во текот на вчерашниот ден, Tesla официјално ја отвори својата прва „гигафабрика“ во Европа, поточно во Германија, во Гринхајде градот, во близина на Берлин. Со отворањето на фабриката, официјално беа испорачани и првите 30 возила на сопствениците кои присуствуваа на настанот.
На отворањето присуствуваа основачот на Tesla, Елон Маск, како и канцеларот на Германија Олаф Шолц. Елон Маск дури почна да танцува на музиката која беше пуштена при презентацијата на првите 30 возила кои излегуваа од посебно направени тунели.
Во оваа фабрика се планира производство на 500.000 електрични возила во годината, нешто што ќе ја стави на врвот во Европа каде конкуренцијата се повеќе се зголемува, а посебно од Volkswagen.
Отворањето на фабриката беше одложено, односно веќе требаше да се случи, а помеѓу другите причини, една од главните беа протестите од еколошките организации во земјата, во главно поврзани со искористувањето на водените ресурси во околината.
