На CES 2026, LG ја откри новата генерација на својата позната gram серија лаптопи. Оваа година, акцентот е на револуционерниот материјал наречен „Aerominum“, сопствена разработка на LG која конечно го решава проблемот што ги мачи сите ултра-преносливи лаптопи, како да бидат супер лесни, а истовремено цврсти и отпорни на гребнатини.
Aerominum не е само маркетиншки трик. Тој комбинира структура со префинета техника на четкање (atelier brushing), што резултира со премиум метален изглед, намалена тежина и засилена структурна јачина. Резултатот е лаптопи кои поминуваат воени стандарди за издржливост, а изгледаат и се чувствуваат како луксузен производ – без да додадат грам вишок тежина.
Меѓу новите модели се истакнуваат два:
– LG gram Pro 17 (17Z90UR) – најлесниот 17-инчен лаптоп со RTX графика (достапен ексклузивно во САД). Со NVIDIA GeForce RTX 5050 (8GB GDDR7), тој е совршен за гејминг, креирање содржина и тешки задачи, а телото му е компактно колку типичен 16-инчен модел. Екранот е 17-инчен WQXGA (2560 x 1600) LCD – идеален за продуктивност и филмови.
– LG gram Pro 16 (16Z90U) – најлесниот во својата класа меѓу 16-инчните со двојна ВИ. Овде добивате WQXGA+ (2880 x 1800) OLED екран со длабок контраст и богати бои, напојуван од најновите Intel Core Ultra процесори.
Она што навистина ги издвојува овие gram лаптопи е „двојниот ВИ систем“. Од компанијата комбинираат on-device интелигенција (преку LG gram chat, базиран на надградениот EXAONE 3.5 sLLM) со ВИ базирана во облакот преку Microsoft Copilot+ PC.
