PancakeBot е 3D печатач наменет за правење на палачинки во разни форми. Беше претставен преку Kisktarter каде што успеа да собере повеќе од 400.000 долари од потребните 50.000 за успешно финансирање.
Уредот е составен од плотна на која што се постава тестото од палачинките кои што корисникот се разбира сам го прави. Горниот дел е сличен како повеќето 3D печатачи, односно има подвижен дел кој што го испушта тестото во претходно направените форми.
Делот кој што го прави PancakeBot интересен е можноста корисниците сами да ги дизајнираат палачинките, односно не се работи за уред кој што е наменет да ви направи најобични палачинки во нивниот стандарден изглед.
Печатачот доаѓа со посебен софтвер на кој што ги цртате формите во кои што би сакале палачинките да бидат направени. Цртањето може да се направи и врз било која слика, а формата се одредува од линиите кои што корисникот ги повлекува врз поставена слика.
Од примерот во видеото може да се види дека палачинките може да се направат од обични цртежи од децата, како и слики од Ајфеловата кула, на пример.
Достапноста на технологијата во овој случај дефинитивно доаѓа до израз. Од една обична и стара активност, се добива интересна која што е достапна за обичните корисници.
Извор: Kickstarter
