Toshiba вчера го претстави Canvio Home Backup & Share, NAS (network attached storage) наменет за домашна употреба.
Со Canvio Home, Toshiba цели да ги надмине компликациите со кои се соочуваа домашните корисници при користењето на овој тип на уреди во минатото. Canvio Home доаѓа со софтвер кој е едноставен за инсталација и кој преку својот интуитивен интерфејс ќе овозможи непречено складирање и пристап до податоците од било која локација каде има интернет пристап.
За разлика од Cloud решенијата кои ги складираат вашите податоци на далечна непозната локација, со Canvio Home можете да бидете сигурни дека податоците се безбедни во вашиот дом. Canvio Home доаѓа со поддршка за Windows, Mac OS, iOS и Android оперативните системи, како и сите DLNA сертифицирани уреди.
Canvio Home Backup & Share е достапен во капацитети до 3TB, со почетна цена од 150 долари и е поддржан со 3 годишна гаранција.
