Најмалата и најлесна верзија на новиот оперативен систем на Microsoft, наменета за ултра малите компјутери и Internet of Things, доби нова Insider верзија, а софтверскиот гигант претстави и Starter Pack за сите оние кои сакаат да почнат проекти со Raspberry Pi 2.
Пакетот вклучува неколку различни типови на сензори, кабли, жици и делови од електроника, кои се сертифицирани дека работат со Windows 10 IoT. Во пакетот има и SD картичка на која е веќе инсталиран оперативниот систем, како и инструкции за работење. Ова значи дека со пакетот, вашиот Raspberry Pi 2 компјутер ќе биде веднаш спремен за работа.
Insider верзијата за Windows 10 исто така доби неколку подобрувања, како поддршка за “Pulse Modulating Platform” и “Analog to Digital Converter”, заедно со многу закрпувања за намалување на баговите, како на пример оние за USB драјверот. Новата верзија на Windows 10 IoT Build 10531 е веќе достапна на Windows Dev Center.
Оваа Windows 10 верзија секако не треба да ја мешате со онаа што ја имате на вашиот компјутер, но има многу сличности, односно основата е иста, само е различен начинот на кој корисникот комуницира со компјутерот и графичкиот интерфејс. Сепак, Windows 10 IoT е една од најважните компоненти во ширењето на оперативниот систем како сервис – идејата на Microsoft е буквално да го има насекаде!
Извор: Windows Central, Raspberry
