Сер Џони Ајв е една од најпознатите личности поврзани со Apple. Тој стои зад дизајнот на повеќето производи од компанијата изминатите неколку децении, а е познат и по тоа што беше еден од најблиските соработници на Стив Џобс.
Ајв во интервју за радио емисијата „Desert Island Discs“ на BBC говори за неговиот живот, а очекувано посебно внимание се посветува на работата во Apple.
Со оглед дека Џони Ајв е познат по дизајнирањето на производите, а истото го работи и со новата компанија која ја основа, LoveFrom, голем дел од интервјуто е за неговите гледишта кон оваа работа.
Како дел од стилот на емисијата, Ајв говори и за музиката која ја слуша, па се пуштаат и неколку песни кои тој ги препорачува.
Интервјуто на Џони Ајв е достапно преку страната на BBC, а од идниот месец и преку онлајн подкастот од емисијата.
