Информациите кои можевме да ги прочитаме минатата недела говореа дека настанот на кој ќе бидат претставени новите iPhone 15 телефони, меѓу другото, може да се очекува за 13 септември, среда.
Оваа информација исто така ја потврди Марк Гурман, кој сепак објави дека настанот ќе биде на 12 или 13 септември.
Сега тој објави дека сите знаци покажувале кон 12 септември, вторник, па едно е сигурно, таа недела од септември ќе биде настанот на Apple.
Тоа што дополнително се очекува од овој настан е да го задржи форматот кој беше започнат со корона кризата, па тој повторно ќе биде снимен, а на новинарите ќе им биде овозможен пристап и користење на новите уреди.
Од уредите, претставени ќе бидат новата iPhone 15 серија, но ќе ги видиме и новите генерации од Apple Watch и AirPods уредите, а можно е да биде претставено и уште нешто.
Настанот како и секогаш ќе биде достапен да се гледа во живо, па сите заинтересирани ќе можат да го гледаат претставувањето.
