Очекувањата и шпекулациите испаднаа дека се точни, се покажа на денешниот настан што го организира Nokia, наречен Nokia World. Беа претставени уредите кои што се очекуваше да бидат најавени, но беа претставени и неколку апликации кои што одамна се очекува да бидат најавени.
Nokia го претстави долго очекуваниот и полн со шпекулации телефон/таблет Lumia 1520. Доаѓа со 6 инчен Full HD екран, со Nokia ClearBlack и Gorilla Glass 2. Qualcomm Snapdragon 800 2.2GHz Quad Core процесор, камера со 20 мегапиксели и PureView ZEISS леќи и двоен LED flash. Можност за поврувзање на LTE мрежа, како и 3400 mAh батерија. Доаѓа во 4 бои и тоа, жолта, бела, црна и сјајна црвена.
Една од најинтересните најави беше конечното доаѓање на официјалната Instagram апликација на Windows Phone 8, како и официјалната Vine апликација и Flipboard.
Nokia исто така претстави уште еден телефон/таблет, но со нешто послаби карактеристики. Nokia Lumia 1320 доаѓа со следните карактеристики:
- 6-инчен екран, 768×1020 резолуција
- Двојадрен процесор
- 3400 mAh батерија
- 1GB RAM меморија
- 5MP камера
- Поддршка за microSD
- 4 бои мат жолта, мат црна, сјајна бела и сјајна црвена.
Како што беше и очекувано, Nokia го претстави својот прв таблет компјутер, Lumia 2520. Тој доаѓа со следните карактеристики:
- Windows RT 8.1
- 10.1” 1080p Full HD AH-IPS, Gorilla Glass 2
- 6.7MP Auto Focus ZEISS optics, Секундарна: 2MP HD wide-angle
- Видео 1080p@60fps
- 4G LTE
- Qualcomm Snapdragon 800 (2.2GHz Quad Core)
- 8000 mAh батерија
- Црвена, сјајна бела, мат црна и цијан боја.
Покрај овие уреди, претставени беа, што исто така беше очекувано, и 3 нови модели од Asha серијата. Ова се мобилни од пониска класа и со пониска цена.
