Како и секогаш, наредната верзија од Android којашто моментално е достапна се нарекува по кодно име, односно првата буква која е на ред за именување на системот. Буквата која е на ред е N, па соодветно системот моментално се нарекува Android N.
Праксата која е карактеристична, од маркетинг аспект, во именувањето на Android верзиите е користењето на име од некој познат десерт. Досегашните имиња кои беа користени беа:
- Cupcake
- Donut
- Éclair
- Froyo
- Gingerbread
- Honeycomb
- Ice Cream Sandwich
- Jelly Bean
- Kit Kat
- Lollipop
- Marshmallow
Не е познато кој десерт ќе го искористат од Google кој почнува на N, но како што најавија преку Twitter, истото ќе биде официјализирано во наредните неколку недели.
За избор на името беше пуштена и можноста фановите да ги даваат своите предлози, меѓутоа сепак испадна дека тие не мора да значи дека ќе бидат земени во предвид, а името може и веќе да е одлучено.
Некои од можните имиња кои почнуваат со буквата N ги вклучуваат Nutella, Nougat, Nutmeg и други. Сигурни сме дека најголема шанса за избор има Nutella.
Thanks for your submissions. We’ll reveal the new name in a few weeks! #NameAndroidNhttps://t.co/qLtDZJNe9y
— Android (@Android) June 8, 2016
Извор: Twitter, TechnoBuffalo
