Huawei минатата недела го претстави HarmonyOS NEXT, оперативен систем наменет за програмерите со кого ќе започне целосното тргање на зависноста од Android за овој бренд.
Со помош на оваа верзија од HarmonyOS, програмерите ќе можат да почнат да ги развиваат нивните апликации специјално за овој систем, а до крајот на годината истиот веќе нема да поддржува Android апликации.
Како што е познато, Huawei започна со развој на HarmonyOS, на почеток за паметните домашни уреди, како одговор на забраната за користење на апликациите и сервисите од Google. Овој систем сега е направен на основа на отворениот код од Android, но тоа ќе биде променето оваа година.
Од компанијата веќе соработуваат со повеќе од 200 партнери, а до крајот на годината оваа бројка се очекува да порасне до 5.000.
Останува доволно време за повеќето популарни апликации бидат преработени и за овој систем, па корисниците може да очекуваат дека кога нивниот уред ќе ја добие надградбата, нема да им фалат апликации.
Поради забраната за работа со американски производи, Huawei беше спречен да го освои првото место на пазарот на смартфони во светот, но од компанијата продолжуваат да функционираат одлично и без тоа. Тие се еден од најпознатите брендови во Кина, а достапни се до одреден степен и во останатите земји.
