iOS 17 минатата година донесе можност за ограничување на полнењето на батеријата до максимални 80%, нешто што е достапно од претходно и на Android, а има за цел да го продолжи векот на батеријата.
Наредната верзија од iOS, која беше претставена минатата недела, а ќе им стане достапна на корисниците во септември, донесува дополнителни можности во овој дел.
iOS 18 донесува дополнителни ограничувања на полнењето на батеријата, па покрај досегашните 80%, корисниците ќе можат да го постават ограничувањето и на 85%, 90% и 95%.
Уште поважно, iOS 18 ќе им предложува на корисниците, врз основа на нивниот стил на користење, кое од овие ограничувања е најдобро за нив.
На овој начин Apple се обидуваат што повеќе да го оптимизираат полнењето на батериите за да се продолжи нивниот век, нешто што се’ уште во денешно време е проблем, а посебно за уредите кои секој ден ги полниме.
Оваа новина изгледа ќе им биде достапна само на дел од уредите, односно можно е да биде потребен чип кој ќе може да работи со новите Apple Intelligence функции, но останува да видиме дали дефинитивно ќе биде така.
