Apple пушти помала надградба за сите свои оперативни системи на 13ти овој месец, а истите во главно донесоа по некоја мала исправка на „багови“ во системот, некои апликации и слично.
Сепак, одложувањето на инсталацијата на најновите верзии не се препорачува, поточно на iPhone и на Mac. Причината за тоа, како што би очекувале, е од безбедносни причини, а Apple има откриено слабост кај нивната WebKit технологија.
Оваа технологија се користи кај Safari на Mac, како и кај сите интернет прелистувачи на iPhone. Според информациите, слабоста веќе била искористена од страна на хакерите, но нема информација кај колкава бројка од корисниците и во какви ситуации.
Како и да е, се работи за мала надградба, која не треба да се одложи или прескокне, па проверете за нови верзии на своите уреди и инсталирајте ја најновата верзија од iOS и macOS.
Најновите верзии ги имаат бројките iOS 16.3.1 и macOS 13.2.1.
