YouTube во месеците што следат, постепено ќе направи промена на почетната страна за корисниците кои не сакаат да ја остават нивната историја на гледање вклучена. Наместо листа со видеа, корисниците ќе гледаат празен простор, на кого ќе стои известување за зошто е страната празна.
Околу делот со видеа, страната ќе остане иста, односно остануваат лентата за пребарување и лентата на левата страна, а од компанијата дури ова го нарекуваат подобрување на искуството за корисниците кои само сакаат да пребараат што да гледаат.
За да нема ништо на почетната страна, покрај исклучувањето на историјата, корисникот треба да нема доволно историја од претходно или да ја има избришано, па алгоритамот на Google да нема врз основа на што да ги направи предлозите за гледање.
Како што знаете, главната страна на YouTube е пополнета со видеа кои алгоритамот смета дека ќе сакате да ги гледате, врз основа на тоа што го имате гледано претходно, како и со видеа од каналите кои ги следите.
Не е јасно зошто наместо празна страна, почетната страна за корисниците кои ја исклучуваат историјата, не им бидат прикажани само најновите видеа од каналите кои ги следат.
Се добива впечаток дека Google сака да ги натера корисниците да не ја исклучуваат историјата на гледање, нешто што често се поврзува и со нивната приватност.
