Според аналитичката компанија Canalys, првпат после 9 години друга компанија покрај Samsung и Apple го има првото место на пазарот на смартфони. Со продадени 55,8 милиони уреди, Huawei го презема првото место кое долго време го држеше Samsung, со раст на продажбата во споредба со втората четвртина од 2019 од 5%.
Причината поради која Huawei успева да го преземе првото место од Samsung се должи на падот на продажбите на оваа компанија за дури 30% во споредба со втората четвртина минатата година. Со тоа, Samsung во април, мај и јуни оваа година има продадено 53,7 милиони уреди со што паѓа на второто место.
Сепак, поради проблемите кои ги има Huawei со властите во САД, успехот во главно се должи на зголемената продажба на кинескиот пазар од 8%, со што оваа компанија 70% од своите продажби ги прави во својата земја.
Промената на местата на пазарот на смартфони е интересни да се види дали ќе остане подолго време или се работи само за краткорочна промена поради коронавирусот.
Samsung идната среда ќе го одржи својот Unpacked настан на кој ќе ги претстави своите Note20 уреди, како и дополнителни 4 уреди како паметен часовник, слушалки, таблет и втората генерација од Galaxy Fold.
