OnePlus е една од познатите кинески брендови кој вади мал број на уреди во текот на годината, а има верна група на фанови и редовни купувачи. Нивните телефони се од високата класа, секогаш нудат нешто посебно што ги издвојува, а цената сепак не влегува во категоријата на најпродаваните и скапи телефони од конкуренцијата.
Сепак, цената на OnePlus не може да се каже дека е ниска, а посебно на најновите OnePlus 8 и OnePlus 8 Pro која се движи околу 900 долари.
Неофицијалните информации најавуваат дека OnePlus може да ја прошири својата понуда и да влезе на пазарот од средната класа, со тоа нудејќи им на корисниците уште поевтин уред. Овој нов уред наводно ќе работи на Snapdragon 765, ќе има 6,55 инчен екран со стапка на освежување од 90 херци, што е одлично, како и три камери на задната страна и батерија со капацитет од 4.300 mAh.
Дека нешто се спрема од оваа компанија може да се види и од објавата на директорот и основач на OnePlus, Пит Лау, кој објави „твит“ преку кој прашува, „Кој е спремен за нешто ново од OnePlus?“.
Тој исто така го додава „хаштагот“ нови почетоци, а ко-основачот на компанијата се приклучува со коментар дека „време е за повторно нишање на бродот“.
Што ќе биде претставено останува да видиме во периодот што следи, а со оглед дека се работи за OnePlus, сигурно ќе биде нешто што ќе привлече доволно внимание.
Who's ready for something new from @oneplus? 😎 #NewBeginnings pic.twitter.com/EOCiJZVrTU
— Pete Lau (@PeteLau) June 22, 2020
