Oppo, кои веќе од минатата година и официјално функционира заедно со OnePlus, се спрема да го претстави својот прв модел од највисоката класа за оваа година. Неофицијалните извори на информации се тука за да ни дадат и повеќе од претстава што може да очекуваме, па од тоа што може да се прочита, Oppo спрема телефон кој ќе конкурира со најдобрите на пазарот.
Oppo Find X5 Pro е името кое се најавува, иако тоа уште не е потврдено од компанија. Без разлика на името, телефонот во себе ќе го има Snapdragon 8 Gen 1 со 12GB RAM и 256GB простор за податоци. Како графички процесор се најавува Adreno 730, а ги чекаме и првите тестирања да видиме како ќе се покаже овој процесор во споредба со Xclipse процесорот од Samsung кој е направен на основа на RDNA 2 архитектурата од AMD.
Екранот на Find X5 Pro треба да биде со големина од 6,7 инчи, направен во AMOLED технологијата со резолуција од 3216 на 1440 пиксели и стапка на освежување од 120 херци, нешто што веќе е стандардно кај телефоните од високата класа, па само останува да се види дали е со LPTO технологијата.
Достапни треба да бидат три камери, односно главна со 50 мегапиксели, широкоаголна исто така со 50 мегапиксели и „телефото“ камера со 13 мегапиксели. На предната страна се најавува камера со 32 мегапиксели.
Батеријата кај Oppo Find X5 Pro изгледа ќе има капацитет од 5.000 mAh и ќе може да се полни со брз полнач од 80W.
Според информациите, овој телефон ќе се продава по цена од најмалку 1.200 евра, што е во рамките со конкуренцијата со истите карактеристики.
Сликите и информациите доаѓаат од познатите во вакви ситуации, WinFuture.de.
