Можеби оваа гласина не е на ниво на останатите, кои кажуваат какви карактеристики ќе има телефонот, па кога ќе биде претставен, како ќе изгледа екранот и слично, но не е помалку важна во добивањето слика за новите iPhone уреди кои треба да бидат претставени после летото.
Apple сепак дава значење на секоја ситница при изработката на нивните уреди, па достапните бои од кои корисниците може да изберат се дел од корисничкото искуство кои го добиваат фановите.
За новиот iPhone 8 сега доаѓаат информации дека можно е, покрај неколкуте бои како избор, да има и варијанта која ќе има изработка направена како огледало.
Информацијата доаѓа од познатиот протекувач на информации Бенџамин Гескин преку неговиот Twitter профил каде објавува и слика од тоа како тој го замислува уредот.
2017 OLED iPhone – four colors. New one – mirror like. pic.twitter.com/BFBBpBQ2Vm
— Benjamin Geskin (@VenyaGeskin1) July 8, 2017
Ваквиот изглед може да му даде посебен „шмек“ на новиот уред и дефинитивно да го издвои од конкуренцијата. Вакви телефони до сега, освен преку маски, не сме имале можност да користиме, па сигурно би било интересно.
Кога на тоа ќе се додаде „допирот“ на Apple, доколку оваа варијанта навистина биде претставена, сигурно ќе биде направена да изгледа одлично.
Инаку, една од најинтересните информации кои излегоа периодов за карактеристиките на iPhone 8 беше таа дека Apple планира целосно исфрлање на системот за отпечатоци од прстите и ќе го замени со понапреден 3D систем за скенирање на лицето на корисникот. Овој систем наводно треба да биде посигурен и побрз од останатите.
