Според неофицијалните досега најави, Samsung се очекува да го одржи својот овој пат само онлајн Unpacked настан на 5-ти август. На овој настан се очекува претставувањето на Galaxy Note20, како главен уред, а тука е и можноста за претставување на Galaxy Fold 2, Galaxy Watch 3 и други уреди.
Според најнови исто така неофицијални информации, Samsung планира уредите да ги претставува секој месец, односно да не ги претстави сите наеднаш во август, иако не се исклучува нивно покажување во рамките на настанот.
Па така, Galaxy Note20 ќе биде претставен во август, во септември ќе биде претставен Galaxy Fold 2, а за октомври се најавува претставување на „lite“ верзија од Galaxy S20, овој пат наречена Galaxy S20 Fan Edition.
Тоа што не се споменува е нова верзија од Galaxy Z Flip, нешто што исто така беше дел од неофицијалните информации, па останува да видиме дали воопшто ќе има ваква верзија и кога истата би била претставена.
Претставувањето на паметен часовник и други слични уреди се очекува да се одржи најверојатно во август, заедно со претставувањето на Galaxy Note20.
