Веќе неколку пати најавивме дека iPhone 8 ќе има можност за 3D читање на лицето на корисникот, технологија која веројатно ќе се употребува и за други функционалности, како на пример таа за намалување или целосно исклучување на тонот на ѕвонење при повици или при нотификации кога ќе погледнете во него или пак ако постојано гледате во него.
Ова може да биде многу корисно во случаите кога добивате премногу нотификации кои се вистинска ноќна мора ако треба редовно да ги гасите со прстот. Поточно, кога iPhone 8 ќе го држите во вашите раце и во исто време ќе гледате во дисплејот, тој нема да одѕвонува со нотификации, односно ќе ги појавува само визуелно. Сепак, останува прашањето како телефонот може да погледне дали корисникот гледа во него кога е ставен на маса на пример, односно дали може да ги забележи очите под агол.
Ова е инаку забележано од дивелопер за iOS, кој во протечениот HomePod софтвер, каде се дознаа и други податоци за iPhone 8, најде два кодови кои најавуваат таква можност: “supportsAttentuatingTonesForAttentionDetected” и “updateAudioVolumeDynamicallyForAlert.”. Иако овие кодови најавуваат функционалност за каква зборувавме погоре, сепак не значат дека таа сигурно ќе ја има во iPhone 8. Ако моето мислење значи нешто, имплементирање на вакво решение не е премногу тешка работа и очекувам него да го има во iPhone 8, особено што е насочено кон подобрување на искуството на корисникот.
Извор: TechnoBuffalo, TechCrunch, Telegraph
