Во исчекување додека еден од најголемите производители на мобилни уреди во светот, Xaomi, го претстави наследникот на нивниот Mi Note смартфон, тие решија да си „поиграат“ со корисниците преку објава на слика која можеби го најавува истото.
Се работи за објава на слика на кинескиот Weibo, којашто сепак не укажува сигурно на можноста за претставување на Mi Note 2, но се верува дека токму тоа е случајот.
Сликата интересно е со позадина од фудбалски терен и бројките 2>5 ставени во преден план. Според некои од странските ИТ портали, ова е директно укажување на новиот Mi Note 2 модел кој треба да биде појак од сегашниот главен Mi 5. Од тука доаѓа и „грешката“ на сликата која сака да каже дека бројот 2 е поголем од 5.
Сепак, ова не може да се земе со голема сигурност, а во главно и поради причината што е чудна практика да една компанија го најавува својот нов модел укажувајќи дека е подобар од нивниот моментално главен модел од друга класа.
Без разлика за што се работи, во периодот што следи можеме да очекуваме претставување на нов производ од оваа компанија, која е позната по уредите со одлични карактеристики, но пониски цени од познатите конкуренти.
Инаку, за Xiaomi Mi Note 2 се верува дека ќе дојде со моментално најсилниот мобилен процесор Snapdragon 820, а можеби и 823 варијантата. Екранот треба да биде со големина од 5,7 инчи, што е минимумот за класата во која е овој модел. Исто така, екранот треба да има поголема од Full HD резолуција, па се очекува вклучување на 2560×1440 пиксели.
Од останатите карактеристики, се очекува Mi Note 2 да доаѓа со најмалку 4GB RAM меморија, а можен е и модел со повеќе. Меморијата за складирање на податоци треба да биде со избор од 32 и 64 GB.
Камерите би требало да вклучуваат сензори со 23 и 12 мегапиксели, додека батеријата околу 3.500 mAh.
Извор: Android Central, PhoneArena
