Yahoo реши да влезе на пазарот на мобилни телефони, барем во САД, со уред кој е брендиран од страна на оваа сега во сопственост на Verizon компанија. Корисниците добиваат евтин уред кој работи на Android и доаѓа со инсталирани повеќе апликации од Yahoo.
Телефонот им е достапен на корисниците на Verizon и нивниот нов Yahoo Mobile пакет по цена од 50 долари. Корисниците ќе имаат и дополнителни предности, како што е Yahoo Mail без реклами, а за иднина се најавуваат и одредени предности и кај другите апликации.
Телефонот од Yahoo е ZTE Blade A3Y и доаѓа со очекуван изглед и карактеристики за таа цена. Има екран со големина од 5,45 инчи и резолуција од 720p, со 2GB RAM и 32GB простор за податоци. Камерите се една на задната страна со 8 мегапиксели и една на предната страна со 5 мегапиксели. Процесорот е MediaTek и е со 4 јадра.
Мали се шансите да Yahoo во иднина посериозно реши да настапува на пазарот, па оваа можност изгледа дека сепак ќе остане само ексклузивна за корисниците на Verizon во САД.
