Развојот на овие мали беспилотни летала нагло порасна изминатите година дена, па тие почнаа да се користат комерцијално, односно и од обичните корисници. Тоа е овозможено во главно од моделите со достапни цени, па можевме да видиме некои од нив и во нашата земја.
Намените на дроновите се огромни, од професионално снимање на видеа, па се до приватното играње или аматерски снимки. Меѓутоа дали некој кога би размислувал би се сетил да го направи ова што го има направено еден родител од САД.
Можеби кога ќе се размисли и не е до толку чудно, сепак дроновите се првично измислени за слична намена. Крис Ерли од американскиот град Knoxville решил да го искористи неговиот дрон за да ја следи неговата 8 годишна ќерка на патот до училиште.
Таа од него побарала самата да оди до училиштето, односно тој да не ја носи веќе. Загрижен, но и човек кој што го интересира ваквата технологија, тој го летал неговиот дрон во близина на ќерката се до училиштето.
Крис сепак истакнува дека тој не планира ова да го прави секој ден, односно дека само си поиграл првиот пат кога ја пуштил неговата ќерка да оди сама до училиште.
Веста е пренесена од локална телевизија и репортажата можете да ја погледнете во продолжение.
Извор: Local8Now
